ئۇيقۇسىز كېچە 

  ئاقسۇ بايدىن قىزىل تۇمان 

 كىملەردۇر ياد ئېتىپ سۆيگەن يارىنى ،
ئۇيقۇسىز ئۆتىدۇ ھەر بىر كېچىسى .
مەن يالغۇز ئاھ ئۇرۇپ يىغلامسىرايمەن،
سېنىڭ تويۇڭ بولغان شۇ كۈن كېچىسى .

ئۇيقۇسىز يىغلىدىم شۇ كۈن كېچىسى ،
چىرمىغاچ قەلبىمنى پىغان ۋە ئازاپ .
تويۇڭ بولدى بۈگۈن باشقا بىر بىلەن ،
ئۇيقۇسىز بۇ كېچە قالدىم مەن يىغلاپ .

ئۇلغايدى قەلبىمدە رەشىك ئوتلارى ،
قاغجىرغان ۋۇجۇدۇم چاراسلاپ يېنىپ.
يىغلىدىم تاڭغىچە بىر سېنى ئويلاپ ،
ئۇيقۇسىز بۇكېچە سېنى ياد ئېتىپ .

ئۈندىدار نومۇرى 15292532364
2016-يىلى 5-دېكابىر