ئەسلەپتۇر

خالزات ئاشىق

كېتەر بولسام بۇ يانغانچە دۇنيادىن،

 يۈتەر بولسا مەن سىغمىغان كۆزلەردىن.

 قۇتۇلسام گەر ئاشۇ تۈگىمەس سۆزلەردىن،

 ئەل ئاغىنە قېرىنداش مېنى بىر رەت ئەسلەپتۇر.

 ئۇنتۇمىغىن بىللە ئۆتكەن كۈنلەرنى،

 كەپسىزلىكتە بىللە ئۆتكەن تۈنلەرنى .

كۆرەلمىسەم ئەمدى مەڭگۈ سىلەرنى،

 ئۇنتۇپ قالما ھەر ئولتۇرۇشتا ئەسلەپتۇر.

ھېيت ئايەمدە بىللە ئىدىڭ قېرىنداش،

 جاپالاردا ئىدىڭ ماڭا سەپەرداش.

 كۈلپەت تارتتىم بۇ جاھاندىن زېرىكتىم،

 ئۇنتۇپ قالما قېرىندىشىم ھەر ئايەمدە ئەسلەپ .