تايانچىم تۇققاندۇر تىيىلغىنىمدا

رەخمەت ئ‍ابدۇرىشىت

 تاسقىسا تۇرمۇشنىڭ توڭ-تۇمۇزلىرى،

 تاشلىدىم تەشۋىشنى تۇيغۇمدىن تەڭلا.

تىرىشىپ-تىرمىشىپ توپلاي تەجىربە،

 تەسلەشسە تاڭمىقىم تاشنى تاياققا.

 تاپساممۇ تۆت تەڭگە تەرىمدىن تاپاي ،

 توغرىسى تىلەشكە تاماسىز تۇرۇپ .

 تاۋاقتا تاپساممۇ تۆت تال تېرىقچە ،

تەڭسىزگە تەقسىملەي تەڭ تۇيۇندۇرۇپ .

تەڭلىككە تاشلىما تۇيغۇلۇرۇمنى ،

 تىڭىرقاپ تاپالماي تۇرغانلىرىمدا .

 تۇرمۇشتا تەمتىرەش تىپىلىپ تۇرار،

 تايانچىم تۇققاندۇر تىيىلغىنىمدا .