قەلبىمدىكى قىز

ئ‍ايدەك يۈزىدىن تۆكۈلەر مېھىر،

 بۇلاق كۆزىدىن ئ‍الەمچە سېھىر.

 بىغۇبار شۇنچىلىك، يۇقمىغان كىبىر،

يوقتۇر تەڭدىشى ئ‍ۇ ئ‍الەمدە بىر.

 گۇياكى سۈت كەبى ئ‍اق ئ‍ۇنىڭ قەلبى،

 كەڭلىكتە دېڭىزدىن نەچچە كەڭ بەلكى،

 كۆيۈملۈك، سۈيۈملۈ دوستقا، يارىغا،

 ياۋلارغا ئ‍وت-گۈلخان غەزىپى قەھرى.

 كۆيدۈرسەڭ ئ‍اللاھىم شۇنداققا كۆيدۈر،

 ئ‍ۆلتۈرسەڭ شۇنداق قىز باغرىدا ئ‍ۆلتۈر.

 ھايات ئ‍ۇ تاتلىققۇ ھەممە جانلىققا-

 تەسەددۇق شۇ قىزغا بولسا مىڭ ئ‍ۆمۈر.