خۇش كەلدۇق

ئابدۇخالىق ئەھەت تەقدىر

خۇشۋاق بولۇڭ خۇش كەلدۇق ،
يېڭى كۈنگە خۇش كەلدۇق .
نىشان بىرلە ياسىدىن ،
ئوق ئۈزۈشكە بىزكەلدۇق

ۋاقىت ئۆتسە ئۇ شۇنداق،
سەھەر تۇرۇپ مۇشۇنداق.
ئىز قالدۇرۇپ ھەر تاڭغا،
ۋاقىتتىنمۇ تىزكەلدۇق.

كەتسە بۇ كۈن تىزىلىپ،
سان بىلەنلا يېزىلىپ.
شۇنداق يۈرەك ئېزىلىپ،
تاڭ سەھەرگە خۇش كەلدۇق.

تىرىكتاپقا جاھان تار،
قاچان ياغقان كۈزدە قار؟
ھەركىمگە بىر رىسىق بار،
تاڭ سەھەرگە خۇش كەلدۇق.

ياراتقۇچى ھىممەتتىن،
مۆھلەت بىرىپ ئىززەتتىن.
تېخى بەرگەچ نېئمەتتىن،
تاڭ سەھەرگە خۇش كەلدۇق.

ئەتراپ مەسىتخۇش سېزىلىپ،
گۈل-گىياھتىن بېزىلىپ.
ئىلھام دىلدىن قېزىلىپ،
تاڭ سەھەرگە خۇش كەلدۇق.

2017.5.7

     

مۇھەررىر: ئابدۇقەييۇمجان ئابدۇسادىرى 

ئۈندىدار :2041420589