سەن كەلگىچە كۈتىمەن سېنى (شېئىر) 

 ماھېنۇر ئابدۇرھېم

 تاشلاپ  كەتتىڭ مېنى، يىراققا،
قالدىم چېكىپ ھەسرەت  پىراقتا.
كېلەلەمسەن ؟كۈتسەم بىر ئۆمۈر ،
كۆيدۈرمىگىن ،  مېنى  دوزاقتا .

چىن  ئاشىقلار ئىدۇق، بىز ئەسلى،
دۈشمەن سۆزى ئايرىدى  بىزنى .
يىتەلەيتۇق ، ۋىسالغا   بەلكىم،
خازان  قىلماي، پاك  سۆيگۈمىزنى.

ئۇنتۇش  ئۈچۈن، كېتىپسەن  نىگار،
ئۇنتالامسەن ؟ كۆرمىسەڭ  مېنى .
ھېجرانلاردا ،تاۋلىنار   سۆيگۈ ،
سەن  كەلگىچە   كۈتىمەن   سېنى.