يۈتكەن روھ

ئەنۋەر ئەكبەر

ئ‍ىللەتنىڭ بورىنى چىققاچ ئ‍ەۋجىگە ،

  قەۋمىگە توپاننى تىلەپتىكەن نوھ .     

   بۈگۈنكى شەيتانلار مىنگەچ گەجگىگە ،

      يۈتۈپتۇ ئ‍ىنساندىن نۇرغۇن ئ‍ېسىل روھ .

يېتىملار مىسكىنلەر تولۇپتۇ ئ‍ەلگە ،

  بايلىرىم ئ‍ايلاندى توققۇزى تەلگە .  

  ئ‍ىلتىجا ،ياردەملەر قۇلاققا ياقماي .   

   ئ‍ايلاندى قورساقنى قىستىغان يەلگە .

ئ‍اتىلار روھىمۇ ئ‍ۆلگەچكە بەلكىم ،

قىزىمغا ئ‍ەڭلىك ۋە ئ‍ۇپىلار ئ‍الدىم. 

        تەييارلاپ قويدۇم ھەم ئ‍وغلۇمغا كۈلدان ،

     خوتۇندىن تەنبىھ ۋە قارغىشلار ئالدىم .

  ئ‍انىلىق روھىمىمۇ ئ‍ۇچتى قاياققا ،    

      ئ‍ەس يادىم كۈن - كۈنلەپ چايدا- قاۋاقتا .

ئ‍ادىمىگەرچىلىك بولغاچ شوئارىم ،   

     ئ‍ەس - ھوشۇم باردىم ۋە ياندىم تاۋاقتا .

  ۋاي تۆۋە ھېچكىمدە قالماپتۇغۇ ئ‍ار ،     

    بولۇپتۇ پەسكەشلىك ئ‍ۇلارغا دوست- يار .

  قېرىنداش ئ‍ۆزئ‍ارا ئ‍ىچىشىپتۇ قان ،       

  قىزىغا كۆز تاشلاپ يۈرگەنلەرمۇ بار .    

  ھەر كەسىپ پايدىنى قىلىپتۇ نىشان ،   

جازانە ۋە ئ‍ۆسۈم تۇرۇپتۇ يان - يان . 

ئ‍ېتقادىم سۇسلىشۇپ كەتتىمۇ ياكى ،

پوشكالغا دۈم چۈپتۇ موللا ۋە ئ‍ىشان .

  بۇ كەمدە ساقچىمۇ ساقچىدەك ئ‍ەمەس ،

  ئ‍وغرىغا تۈرمە باغ ، ئ‍ەركىنلىك قەپەز .

جىنايەت ئ‍ۆتكۈزۈپ قازىلار بىغەم ،   

    ئ‍ەمەلدار خەلىقتىن ئ‍ەسلا غەم يىمەس .

  مېھىر ۋە مۇھەببەت بولغاچقا كەمتۈك ،

ۋىجدان ۋە غورۇرى بەزىلەرگە يۈك ،   

   ھەيرانمەن ئ‍ەقلىنى ئ‍ىشلىتىپ ئ‍ىنسان ،

سەبىيلەر روھىغا تاشلاپتۇ يەمچۈك .  

بىلمىدىم بۇ ھالنىڭ چارىسى نەردە ،

روھلارنى ئ‍ىزدىسەم ياتىدۇ يەردە،      

      نىمجان روھ قولۇمدىن تارتىپ پىچىرلاپ ،

دېدىكى ھەي ئ‍ىنسان ھالىڭ خەتەردە.