ئانىلارغا (نەسىر )
ئابدۇقەييۇمجان  (  ئەختەر  )   

‹‹  ئىڭە  ››  دېگەن  ئاۋاز  بىلەن  تەڭ  ،  ئۇيقۇلۇقتا  سىلاپ  –  سىپاپ  ئىڭەلىگەن  بالىسىنى  ئېمىتىپ،  مېھرلىك  كۆزلىرى  بىلەن  يۈرەك  پارىسىگە  قاراپ  تويمايۋاتقان  كىم  ؟
تەم  –  تۇم  ماڭغان  قوزىسىنىڭ    كەينىدىن  يۈگۈرۈپ  يۈرۈپ  ،  چارچاپ  ھالى  قالمىسىمۇ  چېھرىدىن  كۈلكە  كەتمىگەن  كىم  ؟
بالام  دەپ  مىڭ  پارە  بولۇپ،  بالام  دەپ  بارىنى  بېرىپ  ،  مەكتەپكە  يولغا  سېلىپ  كەينىدىن  ئالدىراش  ئىشقا  ماڭغان  كىم  ؟
ئىشتن  قايتىپ  كىيىملىرنى  ئالماشتۇرۇشقا،  قولىنى  يۇيۇشقا  ئاران  ئۈلگۈرۈپ  ،  تاماققا  تۇتۇش  قىلىۋاتقان،  تاماقتىن  كېيىن  قاچا  يۇيۇپ  ،  بالىسىنىڭ  تاپشۇرۇقىنى  تەكشۈرۈۋاتقان،باللىرىم  ياخشى    ئۇخلىسۇن  دەپ  يۇمشاق  ئورۇن  ھازىرلاۋاتقان  كىم  ؟  
زىمىستاندا  ئىللىق  قوياش،باھاردا  مەيىن  شامال  ،  تومۇزدا  سايە  بولۇپ،  پەرزەنىتلىرىنى  مېھرىبان  ئىنسان  بولۇشقا  ئۈندەۋاتقان  كىم  ؟
   قىززىق  تونۇرغا  نەچچە  قېتىم  باش  تىقىپ،  قىززىق  تونۇر  تەپتىدە  قىزارغان  يۈزىدىن  رەڭ  ئېلىپ  پىشقان  توقاچلىرى  بىلەن  ھاياتلىققا  لەززەت  بېغىشلاۋاتقان  كىم  ؟
يۇلتۇزلار  جىمىرلىغان،  تولۇن  ئاي  زېمىنغا  مېىر  بىلەن  باققان  تۈن  كېچىلەردە  تېخى  ئۆيگە  كەلمىگەن  بالىسىنى  زارىقىپ  كۈتۈپ،  ئۇيقۇسىرىغان  كۆزلىرىنى  بىر  نۇقتىغا  تىككىنىچە  ئولتۇرغان  كىم  ؟
ئانىلار  ،مەن  ئىزدىدىم  ،  ھەممە  يەردە  سىلەرنىڭ  سىمايىڭلار  ،  سىلەرنىڭ  ئىزلىرىڭلار  بار  ئىكەن.  ئېھ  ،  ئانىلار  !  قەلبىڭلاردا  سوۋۇماس  ئاتەش  مۇھەببەتلىك  مىھرلەر  بولغانلىقى  ئۈچۈن  ،  بالام  دەپ  ئوتقا  كىرىشتىن  ،  سۇدا  ئېقىشتىن  يانمايسىلەر  .  سىلەرنىڭ  سېخىيلىقىڭلار  زېمىننى  خىجىل  قىلسا،  مېھىر  –  مۇھەببىتىڭلار  قۇياشنى  خىجىل  قىلىدۇ  .  ھەربىر  تاڭ  ،  ھەربىر  پەسىلدىكى  گۈزەللكلەر  سىلەرنىڭ  تەبەسسۈمىڭلاردىن  قىزغىنىدۇ.  ئانىلار  ،  سىلەر  پەرىشتە  !  چۈنكى  سىلەر  ئازاب  ،  قايغۇ  ،جاپا  -    مۇشەققەتلەرنى  ئۆزۈڭلارغا  قالدۇرۇپ  ،  بىزگە  بەخىت  ھەدىيە  قىلغان  .  شۇڭا  يولۇڭلار  ئاق  ،  تېنىڭلار  ساق  ،  ئالتۇن  بويۇڭلار  ئامان  بولسۇن  !  شۇ  ئامانلىقتا  قەلبىڭلارغا  تولۇپ  تاشقان    ئالەمچە    مۇھەببەتلەر    سىلارگە  مەنسۇپ  !  جاپاكەش  ئانىلار  ،  سىلەر  باسقان  ھەر  بىر  قەدىمىڭلاردىن  گۇللەر  ئىچىلسۇن  ،  دۇنيا  مىھىر  –  مۇھابىتىڭلار  بىلەن  گۇزەل!  مۇھەببەتلىك  قەلبلەر  مېھىر  –  مۇھەببەتكە  تولسۇن  !  !
-  يىلى  31-ماي    2015