سېنى ئىزلەيمەن
*
  ئۆز ئىجادىيەت    《توقسۇ》
*
سەن ھايات يۈرەمسەن، ئۆلدۈڭمۇ ياكى؟
ياشايسەن قەيەردە؟ بۇنى بىلمەيمەن.
كۈنۇ تۈن ھىجرىڭدە خازاندۇر دىلىم،
بۇ چەكسىز زېمىندىن سېنى ئىزلەيمەن.
*
يۈرەكتە سەن ئۈچۈن نالىلەر باردۇر،
تۈنلەردە كۆزلىرىم ئۆكسۈيدۇ ھامان.
كۈيلىرىم لاۋۇلداپ قىزىل گۈلخاندەك،
ئەلەملىك ھالىمنى ئەيلەيدۇ بايان.
*
دەسلەپتە دىل بېرىپ، ئۇنۇتتۇڭ كېيىن،
سەن مېنى ئازابتا ئۆرتىگەن ئادەم.
چېھرىڭنى سېغىنىپ يۈرمەسمەن ئەمدى،
كېتەرسەن بىر كۈنى خىيالىمدىن ھەم. 

   2015 يىل 5 ئاينىڭ 31  كۇنى 
ئاپتۇرى   تۇقسۇ ناھىسدىن رۇقىيە