بىلەمسەن ئەي دۇنيا دەردىمنى مېنىڭ 

‎مەردان ئېزىز （تارىم ئوغلى）قەلىمى

‎يەلكەمدىن باسماقتا تاغدەك سىناقلار،
‎ئاڭلايدۇ قېنى كىم ئەرزىمنى مېنىڭ.
‎چېكىمەن ئاھۇ-زار ھەر بىر دەقىقە،
‎بىلەمسەن ئەي دۇنيا دەردىمنى مېنىڭ.

‎دەردىمنى تەپسىلىي ئەيلىسەم بايان،
‎كېتىدۇ سۆزلىرىم قاياندىن قايان.
‎ئازابىم كۆڭلۈمگە بەش قولدەك ئايان،
‎بىلەمسەن ئەي دۇنيا دەردىمنى مېنىڭ.

‎قوينىغا ھىجرانلار مېنى ئالغاندا،
‎ئالداندى يۈرەكىم سانسىز يالغاندا.
‎كېتەمدىم دۇنيادىن ئارزۇ-ئارماندا،
‎بىلەمسەن ئەي دۇنيا دەردىمنى مېنىڭ.

‎12-ئۆكتەبىر （星期三）11：32
‎ئۈرۈمچى خاتىرىلىرى