جېلىليۈز
يادىكار تۇرسۇنتاي
( 1 )
جىمىكى گۈزەللىك مۇجەسسەم سەندە ،
جەننەتتەك گۈل ماكان سالام جېلىليۈز .
ئەمگەكچان ، خۇشچاقچاق ئوغۇل-قىزلارنى ،
مېھرىڭدە ئۆستۈرگەن ئانام جېلىليۈز .
( 2 )
مول-ھوسۇل كۈيلىرى ياڭرايدۇ ھەردەم ،
بولغاچقا يىگىتلەر پالۋاندەك بەردەم ،
ئاشلىققا جان بەرگەن سۇلىرىڭ زەم-زەم ،
دېھقانغا خۇشچىراي ئاچقان جېلىليۈز .
( 3 )
مەرۋايىت ئاق ئۈرۈك كۆزنى چاقنىتار ،
مەمپەزە ، ئىستۇلۋۇي جاننى ياشنىتار ،
قۇشلارنىڭ نەغمىسى دىلنى يايرىتار ،
باغلىرىڭ جەننەتكە مىسال جېلىليۈز .
( 4 )
ئابرالغا قېرىنداش قاش دەريا سۈيى ،
جانلارنى ئويغىتار جۇشقۇن شوخ كۈيى ،
ھۆسنىگە لال قىلار ئۈچ كۆۋرۈك بويى ،
جەلىپكار نازىنىن ، تەنناز جېلىليۈز .
( 5 )
ھەيۋەتلىك تاغلىرىڭ كۆككە تاقاشقان ،
تاغ گۈلى ئەمبەدەك خۇشپۇراق چاچقان ،
توغراسۇ چارۋىغا كەڭ قۇچاق ئاچقان ،
گۈزەللىك بابىدا چولپان جېلىليۈز .
( 6 )
ناخشا-ساز ، چاقچاقلار ئەۋجىسى سەندە ،
شۇڭلاشقا غەم-قايغۇ تۇرمايدۇ تەندە ،
خوشاللىق ھەمراھدۇر ھەر بىر قەدەمدە ،
چاڭقىغان يۈرەككە داۋا جېلىليۈز .
( 7 )
ھېچ ماكان سېنىڭدەك گۈزەل بىلىنمەس ،
سېنىڭسىز ئارمانلار قايتا تىرىلمەس ،
سەن قەلب تۆرۈمدە بۈيۈك مۇقەددەس ،
بەرىكەت-ئامەتكە يار بول جېلىليۈز .
356 قېتىم كۆرۈلدى | nayil | ئەسەر يوللىغۇچى : | |
2017-4-10 20:00:51 | :يوللانغان ۋاقتى |
2017-4-11 21:13:18 | خەمىت تۇردەم |
يادىكار تۇرسۇنتاي يازغان شىئىر ناھايىتى ياخشى يىزىلىپتۇ دىگەنتى تۇغانجان قۇرۋانجان ، ئوقۇپ باقسام راسلا ئىسىل چىقىپتۇ . قولىڭىزغا دەت بەرمىسۇن ئەدىپ |
2017-4-11 21:35:35 | تۇرغانجان |
يادىكارنىڭ «جىلىيۈز»دىگەن شىئىرى ھەقىقەتەن ئىسىل يىزىلىپتۇ،ئوقوپ خوشبولدۇم، |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|