قانداق قىلاي

 (ناخشا تېكىستى) 

 جامالىدىن يۈسۈپ

سېنى نۇرلۇق ئاي  دەپتىمەن.
چىراغ ئىكەنسەن.
كۆڭلى يېقىن يار دەپتىمەن.
يىراق  ئىكەنسەن.

قانداق قىلاي، مەن نە قىلاي.
ھەيرانە بولدۇم.
ئىشقى ئوتۇڭ زەپ يامانكەن.
ۋەيرانە بولدۇم.

خەقنىڭ يارى ئوينايدىكەن.
سۆيگۈنى بىلەن.
بىزنىڭ يارلار قىينايدىكەن.
كۆيگىنى بىلەن.

قانداق قىلاي  مەن نە قىلاي
ھەيرانە بولدۇم
ئىشقى ئوتۇڭ زەپ يامانكەن.
ۋەيرانە بولدۇم

ئاپپاق ئايدىڭ كېچىدە.
ئاينىڭ شولىسى.
كۆڭۈل بەرسە بىلمەيدىكەن.
قىزنىڭ تولىسى.

قانداق قىلاي  مەن نە قىلاي
ھەيرانە بولدۇم.
ئىشقى ئوتۇڭ بەك يامانكەن
ۋەيرانە بولدۇم.
مۇھەببەتنىڭ ئوتلىرىدا
دىۋانە بولدۇم.

2017-يىلى 4-ئاينىڭ 17- كۈنى تۇرپان شەھىرى
ئۈندىدار.13999460492