يىقىمسىز باھار
           
   ئېرشات ئۆمەر

نى ،نى ئىسىل ئەسەر چىقاركەن ،
باھار تىما بولۇنسا ئەگەر .
غايىبانە خوشلۇق جىلۋىسى ،
ئۇندا پارلار گۈزەل شۇ قەدەر .

بىر چاغلىرىم بولغان راستىنلا ،
باھار پەيزى ھوزۇرىن سۈرگەن .
دىھقان تاغام ناخشىلار توۋلاپ ،
ياش يۈرەككە ھاياجان بەرگەن .

كىيىكلەر قىيغىتىپ ئىدىرلىق ئارا ،
ياڭرىغان باغلاردا بۇلبۇل ناۋاسى .
چاڭقاق دىلغا زەم زەم بولۇشۇپ ،
ھىكمەت ياراتقان تارىم دەرياسى .

بۈگۈنۈم ئادەملەر مەدىھيە قىلغان ،
شۇمۇ يا بىلـمىدىم گۈزىللىك كانى .
ياكى بۇ چۈشۈممۇ ئويغىنىپ قالسام ،
كۆرەمدىم باھارنىڭ ئەسلى ھالىنى .

ئەپسۇسكى بۇ باھار شۇنچە يىقىمسىز ،
يا بۇلبۇل نار خەندان ناۋا ئەيلىمەس .
ياكى مەن شۇنداقمۇ تازا بىلـمىدىم ،
بۇ باھار يۈرەككە قانائەت بەرمەس.