خىيالدىمۇ بىكەت بار
رەجەپ يۈسۈپ

قاراپ كەتتىڭ يات ئ‍ايالغا بەك ئۇزاق ،
ئ‍اڭلاي دوستۇم خىيالىڭدا نىمە بار .
قارىمىغىن يات بىرىگە تىكىلىپ ،
(كۆز)دە ئ‍ەمەس ،كۆڭۈلدىمۇ زىنا بار .

خىيال بىلىپ سۈرىۋەردىڭ ھەقىچان ،
بىلسەڭ ئ‍ىنسان خىيال بولغاچ گۇناھكار .
توختاپ قويغىن يامانلىققا باشلىسا،
يولدا ئەمەس خىيالدىمۇ بىكەت بار .

خىيال دىگەن قانىتى يوق قۇش دەيدۇ ،
راس ئەمەسمۇ ھەر كاللىدا ھەر خىيال .
ئ‍ەگەر بولسا مىڭ ئ‍ادەمدە مىڭ خىيال ،
ھەممىسىلا ياخشى ئەمەس ئىھتىمال .

خىيال دىگەن ھەر كىشىنىڭ ئ‍ۆز ئ‍ىشى،
قانداق سۈرسەڭ ئ‍ۆزۈڭدە ھەم ئىختىيار .
سۈرىۋەرمە ھەر خىيالنى ۋەلىكىن ،
توختاپ قويغىن خىيالدىمۇ بىكەت بار.