باھارغا بېغىشلىما
ئەركىن قېيۇم يالچىن
يېتىپ كەلدى باھار پەسلى خۇش كۈلۈپ،
ماڭدى قىزلار كۆك تەرگىلى ئالدىراپ.
ئەگىز سۈيى ئويناقلىشىپ ئېرىقتا،
ئاقار ئاستا شىلدىرلىشىپ پارقىراپ.
ئۆچەكلەردىن چىقىپ ئۇششاق جانىۋار،
ئۇزۇق ئىزدەپ ھەر ياقلاردا يۈرىشەر.
باھار ھىدى پۇراپ تۇرغان باغلاردا،
كاككۇكلارمۇ پىخىلدىشىپ كۈلىشەر.
مەجنۇنتاللار ئېگىپ يۇمران شېخىنى،
يايدى ئەنە ئېتىز-دالا يوللارغا.
پەرۋاز قىپتۇ بالىلارنىڭ لەگلىكى،
نەزەر سالسام ئېگىز كۆككە-ساماغا.
ۋىچىرلىشىپ قارلىغاچلار جۈپ ئىزدەر،
باش باھارنى باشلاپ كەلدۇق دېيىشەر.
چوكانتالنى چاچ قىلىشقان قىزلارمۇ،
چىۋىق مىنگەن ئوغۇللارغا ئەركىلەر.
باھار كېلىپ يايراپ كەتتى دىللارمۇ،
ئىلھام ئالدى مانا ئەركىن قېيۇممۇ.
يېزىۋالدىم تەبىئەتنى باھارنى،
چاچقۇ قىلدىم نەزمەم ئاددىي بولسىمۇ.
44 قېتىم كۆرۈلدى | ئەركىن قېيۇم يالچىن | ئەسەر يوللىغۇچى : | |
2017-3-31 3:40:42 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|