شۈكرى دەيدۇ يەنلا دىھقان

 تىلۋالدى مىرزەكىم

شۈكرى دەيدۇ يەنىلا دىھقان

ئالدىراشتا ئۆتسە كۈنلىرى

 سۇ تۇتقاندا ئۇيقىدىن يىراق

 ئۆچرەت كەلسە كىچە تۈنلىرى

 شۈكرى دەيدۇ يەنىلا دىھقان

 قۇرغاقچىلىق بەرسە قەھرىنى

 ۋايسىمايدۇ قىيىن كۈنلەردە

 پەرىزمىدۇ باقماق خەلقىنى

 پەرىز ئەمەس ئۇندا بىر خىسلەت

 يەردە قالماس تەر تۆككەن مىھنەت

 ئۇندىن يىراق تەمەننە مىننەت

 شۈكرى دەيدۇ يەنلا دىھقان

 بىلەلمەيمىز دىھقان ئەجرىنى

 چۇشەنمەيمىز دىھقان قەلبىنى

 سىزەلمەيمىز دىھقان سەبرىنى

 شۈكرى دەيدۇ يەنىلا دىھقان