ئەگەر سىنى سۆيمىگەن بولسام
ئەخمەتجان ئەھەت
ئەگەر سېنى سۆيمىگەن بولسام،
كۈڭۈل بىرىپ ئازماس ئىدىم.
ئىشقىڭدا مەن گۈلخان بۇلۇپ،
كۈيۈپ شىئېر يازماس ئىدىم.
ئەگەر سېنى سۆيمىگەن بولسام،
ئازابىڭنى سەزمەس ئىدىم.
ياقا يۇرتتا سەرسان بۇلۇپ،
سەنسىز جاھان كەزمەس ئىدىم.
ئەگەر سېنى سۆيمىگەن بولسام،
جىمجىت خىيال سۈرمەس ئىدىم.
سېنى ئەسلەپ ئايغا قاراپ،
ئايدەك يالغۇز يۈرمەس ئىدىم.
ئەگەر سېنى سۆيمىگەن بولسام،
بەلكىم قەسەم بەرمەس ئىدىم.
ياكى سېنى ئالداپ قويۇپ،
ئالدىڭغىمۇ بارماس ئىدىم!
| 189 قېتىم كۆرۈلدى | kaplan08 | ئەسەر يوللىغۇچى : | |
| 2016-1-10 17:24:28 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
