نېمىشقا؟؟
يامغۇر ياغساگەر دەيدىكەنمىز، نېمىشقا ئاپتاپ چىقمايدۇ؟
ئاپتاپ چىقسا دەيدىكەنمىز، نېمىشقا شامال چىقمايدۇ؟
ئادەم دېگەن ئەزەلدىن، رازى بولۇپ ئۆتمەيدىكەنمىز،
بىر ئادەم يىغلىسا نېمىشقا باشقىلارنىڭ كارى بولمايدۇ؟
ھەممە ئادەم دەيدىكەن دەردىم بەكمۇ كۆپ بار،
نېمىشقا ئادەملەر بىر- بىرىنىڭ ئالدىغا يەتمەيدۇ؟
بۇ دۇنيادا شۇنچىلىكمىدۇ مېھرى -مۇھەببەت؟
نېمىشقا بىرسى يىغلىسا باشقىلار چاۋاك چالىدۇ؟
غەيۋەت قىلىپ بەزىلەر ئاق كۆڭۈلنىڭ كەينىدىن،
نېمىشقا تۆھمەت قىلىپ كۆڭۈللەرگە ئازار بېرىدۇ؟
بىرى بولسا گەر ئاق كۆڭۈل، شەرمى- ھايالىق،
نېمىشقا كۆرەلمەسلەر غەيۋەت قىلىپ، غاجاپ تويمايدۇ؟
بىر ئادەمگە تەگسە گەر، ھوقۇق -ئەمەللەر،
نېمىشقا ئورىغا چۈشۈرگىلى تەييار تۇرىدۇ؟
بىر ئادەم سۆزلىسە ھەق- ناھەق ئۈچۈن،
نېمىشقا ئۇ كىشى، ئۇۋالغاقېلىپ ئازاب تارتىدۇ؟
نېمىشقا؟ دېگەن سوئاللىرىم بەكمۇ كۆپ ئىدى،
بىراق ھېچقايسىسىغا لايىق جاۋاب تاپالمىدىم.
نېمىشقا؟ دېگەن سوئالنىڭ جاۋابى كۆپ ئىكەن،
بۇ دۇنيادا راست جاۋابنى مەن چۈشەنمىدىم.
ئاپتور ئاقسۇ بايدىن قىزىل تۇمان،
ئاپتورنىڭ ئۈندىدار نومۇرى.15292532364
قىممەتلىك تەكلىپ پىكىرىڭلار بولسا داۋاملىق قالدۇرۇپ قويۇڭلار.
| 49 قېتىم كۆرۈلدى | kiziltuman | ئەسەر يوللىغۇچى : | |
| 2016-9-28 18:47:54 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
