يۇرتۇم ئاققاش

مەخسۇم ھېپىز

ئەزىزانە قەشقەرنىڭ ،
شەرىقىدا بىر  تال قاش .
ئاياغ باسماستىن بۇرۇن ،
تۇزلۇق قىركەن بۇئاققاش .

بىر توپ كارۋان ئۆتكۈچە ،
توختاپ قاپتۇ بىر كېچە .
ئۇسسۇزلۇققا تاۋۇز يەپ ،
بۇ ئاققاشتىن ئۆتكۈچە .

ئەتىيازنىڭ شامىلىدا ،
تاۋۇز ئۇرۇقى كۆمۈلۈپ .
قاتتىق ياغقان  يامغۇردا ،
تاۋۇز بولۇپ كۆرۈنۈپ .

سەپىرىدىن كارۋانلار ،
ئۇچ ئايلاردا يېنىپتۇ .
كېلىپ كارۋان ئاققاشقا ،
تاۋۇزنى يەپ قېنىپتۇ .

ئاق باسقان شۇ ئاققاشتىن ،
ھاياتلىقنى تېپىشىپ .
ئۈمىد بىلەن كارۋانلار ،
ماكان تۇتۇپ قېلىشىپ .

ئاتۇش بىلەن قەشقەردىن ،
يەر تېرىشقا كېلىشىپ .
مۇنبەت بىلىپ تۇپراقنى ،
ئاققاشتىلا قېلىشىپ .

جەم بولۇشۇپ دىھقانلار ،
بۇ ماكاننى كۆكەرتىپ .
ئاۋات قىپتۇ يۇرتۇمنى ،
ئەۋلادلارنى كۆپەيتىپ .

پىلەك چۈشكەن شۇ ئاققاش ،
ھازىرقى چوڭ بازار كەن .
كارۋان ماڭغان يول بويى ،
يول بويىدا مازاركەن .

ئەۋلادلىرى يېتىلىپ ،
ھۈنەرۋەن بوپ تونۇلدى .
ياشلىرىنىڭ ناملىرى ،
مىمارچى بوپ قويۇلدى .

ئاقسۇ ئاتۇش كورلىدا ،
ئالتاي شىخۇ سانجىدا .
ياشلىرىمنىڭ قولى بار ،
بۆرتالا ۋە غۇلجىدا .

بۇ يۇرتۇمنىڭ تۇزلىرى ،
بارچە ئەلگە تارالغان .
ئون نەچچە مىڭ نوپۇسى ،
بۇ تۇزنى يەپ يارالغان .

قويلىرىنى بېقىشى ،
تۇزلۇق يەردىكى تىكەن .
تۇزنى يالاپ ئوتلىغاچ ،
ئەجەپ  تاتلىق گۆش ئىكەن .

شۇڭا ئاققاش بالىلىرى ،
جانلىق مەغرۇر ياشايدۇ .
قورقماستىن سۇ بىلەن ،
كەسىپلەرنى باشلايدۇ .

ئەۋلادلارنى ئوقۇتۇش ،
يۇرتىمىزنىڭ مىزانى .
ۋەتەن ئۈچۈن پەرۋىشلەش ،
ھەممىمىزنىڭ نىزامى .

ئۆسمۈرلەرنى قەدىرلەپ ،
بايرامنى  چوڭ قىلىمىز .
يىراقلارغا كېتىشىپ ،
بايرىمىدا كېلىمىز .

يۇرتىمىزنىڭ مەنزىرىسى ،
مەشرەپتىمۇ تونۇلدى .
ئاققاشتىكى چوڭ مەشرەپ ،
تېلېۋىزوردا قويۇلدى .

يېزىۋەرسەم تەرىپى ،
داستان بولۇپ تۈگىمەس .
يېزامدا كۆپ يېڭىلق  ،
يېزىپ قولۇم ئۈلگۈرمەس .

مەنمۇ مۇشۇ خىلۋەتلىك ،
بۇ يېزىدا يېتىلدىم .
قولى  گۆھەر ھۈنەرۋەن ،
قاتارىغا قېتىلدىم .

ئاپتورى : مەخسۇم ھېپىز (ئاققاش)
ئۈندىدار : 18509996475
2017-4-8