يامانلار

يۈسۈپجان سايرامى    ( زىنھار )

رەڭلىرىنى كۆرسىتىپ ھەيۋە قىلدى يامانلار،
مەئىشەتكە ئالدىنىپ دىلنى ئەزدى يامانلار.
دۈشمەن ئەمەس دوستلارنى ئارلاشتۇرۇپ بىرلىشىپ،
خەنجەر ئۇرۇپ تىغ ئۇچىنى سانجىۋەتتى يامانلار .

تاپسا بىراۋ خۇشاللىق كۆرەلمەسكەن يامانلار ،
ھەسەت قىلىپ غەيۋەتنى باشلايدىكەن يامانلار.
خوشاللىقلار تاپاركەن قان ياشلارنىڭ نالىسىدىن،
دوستىلىرىنى يات كۆرۈپ چەتكە قاقاركەن يامانلار.

ھىيلسى بەك يامان ئورا كولاركەن يامانلار ،
چۈشۈپ كەتسە ئۆلسە دەپ قاغايدىكەن يامانلار.
بەخت تاپسا شادلىنىپ يەتسە ئاشىق ۋىسالغا ،
كۆز قىزارتىپ ئۇلارنى ئايرىۋېتەرىكەن يامانلار.

ياخشىلىققا يامانلىق قىلار ئىكەن يامانلار ،
ئەل يۇرتقا ئامانلىق تىلىمەسكەن يامانلار .
ئۇسسۇل ئويناپ مايمۇنلار يۈرسە تاقلاپ ئالدىدا،
تەڭكەش قىلىپ ئۇلارغا جۆر بولاركەن يامانلار.

دۈشمەنلەرگە ئىشىنىپ خۇشامەت قىلاركەن يامانلار،
يېقىنلىرنى ئىتتىرىپ خىيانەت قىلاركەن يامانلار.
توۋا دەيمەن شۇنچە، ھايات قىسقا ھەم چەكلىك ،
ياخشىلىقنى كۆرەلمەي روھى ئۆلەركەن يامانلار.

پۇلنى تۇنۇپ قېرىنداشنى تونۇمايدىكەن يامانلار ،
بىر قېيىقتا تەڭ بولسا پاتمايدىكەن يامانلار .
يەنە دىسەم يەنە شۇ قاغىش ئالغان يامانلار ،
لەنەت دەيمەن ئىنسانلىقىنى  يوقاتقان يامانلار .

2016-يىل 11-ئاينىڭ 8-كۈنى  ( ئۈرۈمچى )
##ئاپتۇر ئەمگىكىگە ھۆرمەت قىلىڭ ##