ئەسلەيمەن

ئابدۇقادىر ئىزچى

شۇ گۈزەل يىزامنى، ئىلىق ئاددىي ئائىلەمنى ئەسلەيمەن ،
يىزامنىڭ  گۈزەل باغلىرىنى،تۇپۇلۇق يولىرىنى ئەسلەيمەن.
مۇساپىرلىقتا گۈزەل نەرسىلەر ئۇچرىسىمۇ ھەي…يەنىنلاشۇ،
تۇپۇلۇق يىزامنى كەڭ كەتكەن ئىتىز دالىلارنى ئەسلەيمەن .

🌷🌷🌷🌷🌷🌷

ئەنە شۇ تۇپۇلۇق يوللاردا ماڭغانلىرىمنى ئەسلەيمەن ،
شۇ يىزامدىكى سەبى باللارنى ئۇماقلارنى ئەسلەيمەن.
ئۇلار شۇ ئانا تۇپراققا قانماي مىلىنىپ ئوينايدۇ ھەي …
مەنمۇ مانا ھازىر شۇ سەبى چاغلىرىمنى ئەسلەيمەن.

🌷🌷🌷🌷🌷🌷

بىچارە ئاتانامنى قېرىنداشلىرىمنى ئەسلەيمەن ،
جاپاكەش يۇرتداشلار جامائەتلەرنى ئەسلەيمەن.
مۇساپىر شۇ سېغىش ئىچىدە ئەسلەيدىكەنسىز،
ھەي ………گۈزەل ئانا يۇرتۇمنى ئەسلەيمەن .