كەلمەيدۇ قايتا

ئابدۇۋەلى ئابدۇغېنى

قالدۇرمىغىن ئىشنى ئەتىگە،
قالماي دېسەڭ تاپا-تەنىگە.
ئەقىل -دىتنى قويغىن رەنىگە،
بۇگۇن كەتسە كەلمەيدۇ قايتا،

بولمىسىمۇ مېلىڭ يا  پۇلۇڭ ،
ئۆچسىمۇ گەر كۆيمەستىن ئۇتۇڭ.
يامان يولدىن يانسۇن پۇت-قۇلۇڭ.
بۈگۈن كەتسە كەلمەيدۇ قايتا .

بىرىلمىگىن قىزنىڭ قېشىغا،
مەس بولمىغىن قاراپ تېشىغا،
شۈلگەي يۈتما خەقنىڭ ئېشىغا .
بۇگۇن كەتسە كەلمەيدۇ قايتا ،

كۇچا -كويدا يۈرمىگىن لەيلەپ ،
ساماۋى چۈش باغرىدا ئۈنلەپ.
چىكىۋەرمە ئۆپكەڭنى دۈتلەپ،
بۈگۈن كەتسە كەلمەيدۇ قايتا .

بىكار يۈرمەي ئىشلە تەر ئاقسۇن،
تاھىر بولغىن زۆھرە لەۋ ياقسۈن.
ئاناڭ كۈلسۇن كۈنگە ئايلانسۇن ،
بۇگۇن كەتسە كەلمەيدۇ قايتا .

مەۋجۇتلۇقۇڭ بۈگۈندە بىلسەڭ ،
سۈيىلىسەن سەنمۇ ھەم سۆيسەڭ .
ئارمانلىرىڭ تۇنجىقار ئۆلسەڭ،
بۇگۇن كەتسە كەلمەيدۇ قايتا .