ئانامغا

ئەڭ ئۇلۇغ ئىنسان ئۆزۈڭ تەرىپىڭ ئاسمانغا تەڭ ،

 مېھرىدە سۇنغان بەخت،يۇمۇلماس ئالقانغا تەڭ .

 يانسا گەر بەختىم نۇرى خۇشلۇقىڭ ئالەمچە بار،

 سۆيۈنۈپ ئاچقان چېچەك ،خۇش ئىپار ،رەيھانغا تەڭ .

پەرزەنتىڭ تۆكسە ئەگەر ئالدىڭدا بىر تامچە ياش ،

پىنھاندا ئاققان يىشىڭ توختىماس ئوكيانغا تەڭ .

 مەن كۈلۈپ ئۆتتۈم مانا،چىن مېھر ،سۆيگۈڭ بىلەن،

 سېنىڭسىز بىر كۈن ئانام،قايغۇلۇق ھىجرانغا تەڭ .

 سەن ئۈچۈن قىلسام خىزمەت بۇ تەلەي ،ئامەت ماڭا،

 مەن بولاي ئەجرىڭگە قۇل ،ئۆزۈڭ شاھ -سۇلتانغا تەڭ.

كۈيلىرىم سەنچۈن ئانا مەن ياشاي پەخرىڭ بولۇپ،

 كۈيلىسەم مېھرىڭ سېنىڭ مىڭ چاۋاك ،داستانغا تەڭ.

 ئاپتور  ئېھتىيار يارمۇھەممەت