ئۆلۈپ كەتسەم بىر  كۈنى
تۇرغۇن راخمان( كەمتەر)

ئالتە كۈنلۈك ئالەمدە،
قىينىلامدۇق، سۆيەلمەي،
ماي تاتىشىپ بىھۇدە،
زارلىنامدۇق، كۈلەلمەي.

نىچۈن ئوتقا تاشلايمىز،
ئەقىدىلەر  بىرەلمەي،
ھايات تۇرسا تۆت كۈنلۈك،
تېڭىرقامدۇق يۈرەلمەي.

قىينالدىغۇ بۇ جىنىم،
ۋىسالىڭغا يىتەلمەي،
نىمە ئۈچۈن قىينايسەن،
زادى  تاتلىق كۈلەلمەي.

ئۆتۈپ كەتسە بۇ ياشلىق،
ھەرگىز قايتىپ كەلمەيدۇ،
سۆيۈلۈشنى بىلمىسەڭ،
بەخت ئۇچۇپ كەلمەيدۇ.

يېڭى يارنى چوڭ بىلمەڭ،
كونا يارىڭغا يەتمەيدۇ،
بىلىپ باقساڭ قەلبىمنى،
ئاق قارغىلا  ئوخشايدۇ.

تاشلاپ كەتساڭ ناۋادا،
پۇشايماندا قالۇرسەن،
ئۆلۈپ كەتسەم  بىر كۈنى،
قەبرەم ئىزلەپ قالۇرسەن.