بوۋامنىڭ شەجەرىسى

 نۇرئەلى مۇقىمي

مەن كىم بولدۇم سۇئاللار تالاي،

 قىيناپ كەلدى مېنى ئۆكسۈمەي .

 قاراپ بوۋام شەجەرىسىگە،

 تىلىم كالۋا ئەمدى نېمە دەي .

 ئوغۇز ئاتقان ئوقيالىرىنى،

 تېرىش ئۈچۈن قۇياش خىزمەتتە .

 جاھان كەزگەن تۇلپار تاقىسى ،

 بەلكى ئاينىڭ ئۆزى ئەسلىدە.

تۇنيۇقۇقنىڭ ئىلمى-ھۆرمىتى ،

 جاھانغا ھەم بولغانتى تۈۋرۈك .

 تاتاتوڭا، مەھمۇد كاشغەرىي،

 ئەللەر ئارا ئۈزۈلمەس كۆۋرۈك .

 پىرلەر ئۇنى ئۇستاز تۇتۇشقان ،

 ناۋائىينىڭ قولىدا داستان .

 شىئېرىي ئالەم ناۋائىي قۇياش،

 ئۇسىز تومۇز ئاڭا زىمىستان .

 ل.مۇتەللىپ،تەۋپىق ، ئۇيغۇرى ،

 قېنى بىلەن يازغانتى شېئىر.

 ھەر مىسرادا كۈلىدۇ قۇياش ،

كىم زەردايى ھەممىسى پەقىر .

 كەتتى بوۋام قالدى بىر كۆچەت،

 سايىسغا بالام كېلەر دەپ.

 دېدى دادام -ئوقۇغىن بالام ،

 ئوقۇغانلار ھامان بىلەر دەپ .

 2016.01.06