ئۆتەيلى بىز دائىم يوقلىشىپ
مېھىرنىسا قۇربان
ھەممە يەردە تۇرمۇشنىڭ غېمى،
ئالدىراشلىق دەيدۇ شۇ گىپى.
كەلسە شۇنداق ۋاقىتنىڭ ئېپى،
ئۈزۈلمىسۇن مېھرلىك يىپى.
ئۆتەيلى بىز دائىم يوقلىشىپ.
ئۆتەر كۈنلەر ئالدىراش ھېرىپ،
يوقلىشالماي كۆڭۈللەر غېرىپ.
چارچاپ كاللا بوپ كەتتى نىرىپ،
ياش چوڭىيىپ كەتسەكمۇ قېرىپ،
ئۆتەيلى بىز دائىم يوقلىشىپ.
ھايات ئۆتەڭ ھايات قونالغۇ،
ئىزدىشەلمەي ھالىم ئوسالغۇ.
ئويلاپ يۈردۈم كۆڭۈلدە بارغۇ.
بولسىمۇ گەر تۇۋرۈك توسالغۇ،
ئۆتەيلى بىز دائىم يوقلىشىپ.
ئەھۋاللىشىپ تۇرساق تىچ ئامان،
دەرت ئەلەمگە بولۇپ ھەم دەرمان.
ئۆتسە كۈنلەر شۇندىلا تامان،
قالماس تەندە يۈرەكتە ئارمان.
ئۆتەيلى بىز دائىم يوقلىشىپ.
تۇرساق دەيمەن دائىم كۆرۈشۈپ،
خوشاللىقتىن بەخىت سۈرۈشۇپ.
گاھى يىغلاپ گاھى كۈلۈشۈپ،
شېرىن تاتلىق كۈننى ئۆتكۈزۈپ.
ئۆتەيلى بىز دائىم يوقلىشىپ.
دوستلۇق مېھرى ئۇرقىنى تېرىپ،
دەستە-دەستە گۈللەرنى تىزىپ.
مۇھەببەتتىن كىتەيلى ئېرىپ.
كىرەك بولسا يۈرەكنى يېرىپ.
ئۆتەيلى بىز دائىم يوقلىشىپ.
ئادەم بىلەن ئادەمدۇر ئادەم،
ئۇزۈن ئەمەس ئۆتكۈنچى ئالەم.
ئۆلۈم كېلىپ بولغىچە ماتەم،
ئۆتىنەي بىر بۇ مېنىڭ نالەم.
ئۆتەيلى بىز دائىم يوقلىشىپ.
2016-10-6 غۇلجا شەھىرى
54 قېتىم كۆرۈلدى | 2550325358 | ئەسەر يوللىغۇچى : | |
2016-10-6 23:09:25 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|