ئويغاتماڭلار ئانامنى ئەسلا
ئابلىتىپ توختاسىن
ھىچبىر ئارام تاپمىغان ئانام،
تىنىچ جايغا راسلاپتۇ ئورۇن.
ئويغاتماڭلار ئانامنى ئەسلا ،
مەن بارغۇچە ئۇخلىغاچ تۇرسۇن.
تۈڭلىكىنى ئېتىڭلار مەھكەم،
چۈشلىرىنى بۇزمىسۇن شامال.
ئويغاتماڭلار ئانامنى ئەسلا ،
چۈشلىرىدە مەن بار ئېھتىمال.
دادا كۆچەت تىكىڭ بىشىغا،
چىچەككە بەك ئامراقتى ئانام.
ئويغاتماڭلار ئانامنى ئەسلا ،
تۇز سەپكەندەك بولىدۇ يارام.
بالام دەپلا ئۆتكەن بىرئۆمۈر،
ئائىلىگە چىچىلغان ھىدى.
ئويغاتماڭلار ئانامنى ئەسلا ،
بۇ ئانامنىڭ تۇنجى ئۇيقۇسى.
2016-3-22
170 قېتىم كۆرۈلدى | ablitipt | ئەسەر يوللىغۇچى : | |
2016-3-23 11:34:33 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|