ئەتىمىزگە ئوت قۇياش نۇر چاچىدۇ جانانە ،

 بەختىمىزگە شۇندىمۇ ئۆزۈڭ چىراق ياققىنە .

 كۆيۈپ تۇرغان بىر يۈرەك مىنىڭدە بار سەندىچۇ ،

 قوش يۈرەككە قىلچىلىك دەز كەتمىسۇن نىگارە .

 خۇشاللىقا بەزىدە ھەسرەت كىلەر ياندىشىپ،

شۇنداق ئىكەن مۇھاببەت شادلىق قايغۇ ئالمىشىپ ،

 كۈلكىمىزگە بىلمەيلا قالسىمۇ ياش ئارلىشىپ ،

 قوش يۈرەككە قىلچىلىك دەز كەتمىسۇن نىگارە.

 توسالغۇ كۆپ مەنزىلدە قوللىرىمنى قويۋەتمە ،

 بىر دەقىقە يىنىمدىن يىراقلاشما سەن كەتمە ،

 گۇناھسىز پاك كۆڭلىمنى چىن مېھرىڭگە زار ئەتمە،

 قوش يۈرەككە قىلچىلىك دەز كەتمىسۇن نىگارە .

 كۈيى تولا سۆيگۈنىڭ ھېچ گەپ ئەمەس داستانمۇ،

ئۇشبۇ سۆيگۈ ئىيتقىنا بولۇر قانداق يالغانمۇ،

 سېنىڭدىن ئاھ تانغانمۇ ،ياكى سۆيگۈم چانغانمۇ !

قوش يۈرەككە قىلچىلىك دەز كەتمىسۇن نىگارە .

 تىلىكىم شۇ ئۆمۈرلۈك سېنى كۈتسەم كەلگىچە،

 ئىشىكىمنى ۋىسالنىڭ شۇ قوللىرى چەككىچە ،

 بەخت ،ئامەت ھەم نۇسرەت بىزگە كىلىپ يەتكىچە،

 قوش يۈرەككە قىلچىلىك دەز كەتمىسۇن نىگارە.