تۇنجى ياغقان قار ئارلاش يامغۇر

ئاقسۇ بايدىن قىزىل تۇمان

 باشلاپ كەلدىڭمۇ زىمىستاننى؟
قۇرۇتماي تۇرۇپ يوپۇرماقنى ،
ئاخىرلاشسۇن دېدىڭمۇ كۈزنى ؟
تۇنجى ياغقان قار ئارلاش يامغۇر .

بەزىلەر دېدىكى سېنى قار ،
تېخى زېمىندىن كەتمىگەن ياز ،
بالدۇر كېلىپ كۆرسەتتىڭ ئاق قار،
تۇنجى ياغقان قار ئارلاش يامغۇر .

ھەش پەش دېگۈچە كەتتىمۇ كۈز ؟
تەبىئەت ،كۈز ئەمەسمىدى ئۆز ؟
بەزىلەرنىڭ ياشلىدىڭغۇ كۆز ،
تۇنجى ياغقان قار ئارلاش يامغۇر .

دېھقاننىڭ قونىقى ئېتىزدا ،
قالدى قار ئارلاشقان يامغۇردا ،
دېھقاننىڭ   دىلى ئاغىردىغۇ ،
تۇنجى ياغقان قار ئارلاش يامغۇر.

زىياننى بەردىڭ سەن بىلدىڭمۇ ؟
دېھقانغا ھەسسىلەپ زىيانغۇ ؟
نە ئۈچۈن بالدۇرلا كەلدىڭ سەن ؟
تۇنجى ياغقان قار ئارلاش يامغۇر .

ئۈندىدار نومۇرى 15292532364
2016-يىل 10-ئاينىڭ 26-كۈنى