سېنىڭ بىلەن تۇرمۇش قۇرغۇم بار

ھوشۇر ئ‍امىرجان ئ‍اتەشى تاجىك

تەلۋىلىكنىڭ ئ‍ىزىدىن يىنىپ ،
سېنىڭ بىلەن تۇرمۇش قۇرغۇم بار !
خىلۋەتلەردە چاپسوز ياڭرىتىپ ،
سېنىڭ بىلەن تۇرمۇش قۇرغۇم بار !

مەيلى قانچە جاپا تارتساممۇ ،
مۈرەمگە لاي -تۇپا ئ‍ارتساممۇ .
كۇچىلاردا يايما ساتساممۇ ،
سېنىڭ بىلەن تۇرمۇش قۇرغۇم بار !

پاك مۇھەببەت جاپادا گۈزەل ،
شۇ جاپانى ، بەرگىنە ئ‍ەۋەل ؟!
بولمىسىمۇ ھاھ ! تۇققۇزۇم تەل  ...
سېنىڭ بىلەن تۇرمۇش قۇرغۇم بار !

  قوبۇل ئ‍ەتسەڭ كۈڭلۈمنى مۇباد ،
مەن ياشايمەن قارچۇقۇڭدا شاد .
ئ‍ىچىنمامدىم  يايرىڭ بولسا يات ؟
سېنىڭ بىلەن تۇرمۇش  قۇرغۇم بار !

سەن گۈزەلەر ، گۈزىلى سەن -سەن !
سەن رۇكنابات كەۋسىرى سەن-سەن !
سەن بەختىمنىڭ تۇلپىرى سەن -سەن!
سېنىڭ بىلەن تۇرمۇش  قۇرغۇم بار !

  تەڭشەلمەستە رەھىمسىز كۈن - تۈن ،
ئ‍ۈزۈلمەستە تۇرخۇندىن تۈتۈن.
بىر دەم ئ‍ەمەس ، مەڭگۈللۈك ئ‍ۈچۈن ،
سېنىڭ بىلەن تۇرمۇش  قۇرغۇم بار !

ئ‍ىزاھات : چاپسۇز - تاجىكچە مەشھۇر مۇزىكا نامى