يۈرەكتىكى ھىكايە 

 دىلنۇر

 يۈرۈكۈمدە بار بىر ھېكايە ،
مەن ئۇنىڭدا گۈزەل مەلىكە .
ھېكايىدە بارھەم شاھزادە ،
مۇھەببەتكە قىلغان ئىرادە ...

يۈرۈكۈمدە بار بىر ھېكايە ،
چۆچەكلەردىن قىلىشماس قىلچە .
ئاشق بولغان ئىكەن شاھزادە ،
مەشۇقىدۇر گۈزەل مەلىكە ....

گۈزەل ياشلىق ،غۇبار پەيتىدە ،
كۆيۈشكەندى ئۇلار ئەسلىدە ،
شاھزادە ھەم قەسمياد قىلىپ
ئۆتمەكچىدى سۆيگۈ قەسرىدە ...

يۈرۈكۈمدە بار بىر ھىكايە ،
ئاسمان زىمىن قالغان ھەۋەستە .
بەخىت تىلەر ئىدى بىرجۈپكە ،
گىياھلاردىن تىزىپ گۈلدەستە ...

ئەپسۇس ئەمما مىڭلارچە ئەپسۇس ،
يۈرەكتىلا قالدى ھىكايە ..
چۆچەكلەردەك سۆيگۈ قەسرىگە ،
يەتكۈزمەستىن كەتتى شاھزادە ...

يۈرۈكۈمدە قالدى ھىكايە ،
مۇھەببەت ئۇ بولدى ئەپسانە ..
تۇپراققا تەڭ كۆمۈلەر بەلكى ،
يۈرەككە دەز سالغان ھىكايە ......

  2016-11-23