قاقشىغانلارغا...
 قادىر ئابلەت

بەك ئىچىمنى پۇشۇردۇڭلا كەچكىچە قاقشاپ،
پىت چاقسىمۇ يۈرىيسىلەر توختىماي ۋايساپ.
توۋا قىلدىم، نىمانچىمۇ جىنىڭلار بوشتۇ؟
نە پايدىسى قاقشىغاننىڭ باققانمۇ ئويلاپ.

ئۆتىۋەرمەس كۈندە كۈلۈپ ئىنسان دىگەنمۇ،
ئانچە-مۇنچە ئاچچىقى  بار ھايات دىگەننىڭ.
بەزى كۈلۈپ بەزى شۇنداق يىغلاپ يۈرىمىز،
نە پايدىسى توختىماستىن قاقشاپ يۈرگەننىڭ.

قولۇڭلاردىن كەلسە ئەگەر پىشانەڭلەرگە،
پۈتۈلگەننى ئۆزگەرتىڭلار،باشتىن يىزىڭلار.
قاقشىماڭلار خۇش بوپ قالاي،چىدالمىساڭلار،
ياشىماڭلار، بولدى ئاستا ئۆلۈپ كىتىڭلار