ھەدەڭ سىڭلىڭ يوقمىدۇ سېنىڭ

ھالاك قىلىپ شەرمى-ھايانى،
خاتا يولغا باشلايسەن ئ‍ۆزۈڭ.
قان يىغلىتىپ قويۇپ ھەسرەتكە،
قانداق چىدار سىنىڭ شۇ يۈزۈڭ.

ئاجىز بولغان گۇناھ ئەمەستۇر،
مەڭگۈ يىغلاپ ئ‍ۆتمەيدۇ ھەرگىز.
ئ‍اي ئ‍وتتۇزى بولمايدۇ يورۇق،
يىغلاتساڭ  تۆلەيسەن قەرىز.

يامان دەيسەن قىزلارنى دائىم،
ئ‍ايال تۇغماي سېنى كىم تۇغقان؟
تۈن كىچىدە بۈشۈك تەۋرىتىپ،
ئ‍ايال باقماي سېنى كىم باققان؟

مۇشۇ يەرگە بولسۇن ئ‍ەركەكلە،
توختاپ قالسۇن قەلىمىم مىنىڭ.
قىز يىغلاتقان ئ‍ەركەكتىن  سوراي،
ھەدەڭ سىڭلىڭ يوقمىدۇ سېنىڭ ؟

2015-8-17