بۈگۈنكى دۇنيا
(مۇخەممەس)
ئابدۇللا ئابدۇلمەجىد ئۇچقۇن

دېگەن ئېدى ئەجدادلىرمىز ،بېسىڭلار دەپ ئىزىمىزنى،
لېكىن بىزلەر ئولتۇرۋالدۇق، قۇچاقلاپ ھەم تىزىمىزنى.
بۇزمىغانتى ئاتا-بوۋىلار ، بىزلەر بۇزدۇق لەۋزىمىزنى ،
بىزلەر كېتىپ  ئەۋلادلىرمىز، تۆلەر بولدى قەرزىمىزنى .
ئۆزگىرەپتۇ بۈگۈن دۇنيا كىمگە دەيمىز ئەرزىمىزنى .

***
كىچىككىنە  ئوغۇل قىزلار ، بەزمىلەردە  ئويناپ يۈرگەن ،
نەسھەت قىلسا تىڭشىماستىن، ئاتا ئانىغا چىراي تۈرگەن.
ئىنسانلارنىڭ كاللىسىدا، پۇل مال دۇنيا ھۆكۈم سۈرگەن،
ئۆرىپ- ئادەت پەزىلەتنى ،خىجىل بولماي چۆرىۋەتكەن.
نېمە بولدى بۈگۈن دۇنيا باشقىچىلا ياشار بولدۇق.

***
چاقنار ئىدى قۇياش كۆكتە،مەۋجۇداتقا يورۇق بېرىپ،
بۈگۈن دۇنيا بولدى زۇلمەت ،قالغانمىكىن قۇياش ھېرىپ.
 زىمىستانمۇ رەھىم قىلماي،يېشىللىقنى كەتتى سېرىپ،
نەسھەت قىلىپ ئاتىلارمۇ ،كۆردۇق ئەنە كەتتى قېرىپ.
ئويلىنايلى مەنپەئەتچۈن قېرىنداشتن قاچار  بولدۇق.

***
سالساڭ نەزەر ئەتراپىڭغا،غېرىپ مىسكىن بەكمۇكۆپكەن ،
ياردەم قىلماي غېرىپلارغا ،يوق دەردىنى تازا تۆككەن  .
ئاجىزلارنى كۈچى بارلار ،كۆز ئالدىڭدا بوزەك ئەتكەن ،
ئويلاپ قالدىم بىزلەردىكى ،ئاشۇ ئۆملۈك نەگە كەتكەن .
بىر يۇرىتقا پېتىشالماي، كۆپ جايلاردا سەرسان بولدۇق.

***

ئىشنىش يوق دوسلار ئارا،قويمىچىلىق كۆپيىپ كېتىپ،
ھەققىقەتكە يۈزلىنىش يوق،توغرا يولدىن كەتتۇق تېنىپ.
چوڭ سۆزلىدۇق سورۇنلاردا ،سەھنىلەردەقالدۇق چېنىپ،
سوئال سوراق كېلەر بىر كۈن، ئۆزىمىزگە قالار يېنىپ .
كەلگۈسىنى قويماي ئويلاپ تۆنۆگۈن دەپ ئۆتەر بولدۇق.

***
ئارزۇيىمىز كۆمۈلۈپ قالغان  ، يېڭىلىققا ئىنتىلىش يوق،
مال دۇنيادىن باشقا ئىشلار ،كاللىمىزدا پەقەتلا  يوق .
شۇنچەتىرشىپ ئىشلىسەكمۇ ،يانچۇقلىرمىزھامان قۇرۇق،
شۇنچە بېيىپ كەتسەكمۇبىز،قەبرىلىرمىز بولماس يورۇق.
مال دۇنياغا بولۇپ ئامراق شەيتانلارغا ئەگىشەر بولدۇق.

***
بۈگۈن نېمە بولدۇڭ دۇنيا ،يەتمەك بولدۇم سىرلىرىڭغا ،
سەبىرلەردىن ئۆزگە يول يوق،شۇ رەھىمسىز يىللىرىڭغا .
تەشنا بولۇپ ئۆتكەن ئىدۇق،بوستان كەبى باغلىرىڭغا ،
بۈگۈن دۇنيا ئېلىپ كەتتىڭ ،قۇم بورانلىق سايلىرىڭغا .
شۇسايلاردا غېرىپ كەبى سەنەم قەدرىگە يېتەر بولدۇق.

***
يېتەرمىزمۇ شۇ غېرىپتەك ،سەنەملەرنىڭ ۋىسالىغا ،
كېتەرمىزمۇ ياكى بىر كۈن ،ئۇشبۇ گۇناھ ھېسابىغا .
كېلىپ ئەخمەق تۈگىشەرمۇ ،تويماي دۇنيا بىساتىغا،
ياخشىلنىشى بۇ دۇنيانىڭ ،باغلىق ئادەم ئىنسابىغا .
گۇناھلارغا پېتىپ يەنە جازالارغا كېتەر بولدۇق .

***
2016.11.5.       كەچ  سايرام
ئەمگىكىمگە ھۆرمەت قىلىڭ