بەختى ئۈچۈن  بالىنىڭ ئىجىل-ئىناق ئۆتۈڭلار

  (مەنسۈرمۇھەممەت)

ۋەدىلىشىپ ئەينى چاغ نىكاھ قۇرغان ئۆزۈڭلار ،
ئايرىلماسقا بەلباغلاپ ياش ئاققۇزغان كۆزۈڭلار.
ئۆتە-ئۆتمەي نەچچەيىل قايان ئۇچتى سۆزۈڭلار،
بەختى  ئۈچۈن  بالىنىڭ  ئىجىل - ئىناق  ئۆتۈڭلار .

چۈشىنىشكە تۇرمۇشنى ئون يىلمۇھېچ كۆپ ئەمەس،
ھەر قەدەمدە مۈشكۈلات داۋانلىرى ئېگىز -پەس.
يىتىش ئۈچۈن ۋىسالغا بولۇش كېرەك ھەمنەپەس ،
بەختى ئۈچۈن بالىنىڭ ئىجىل-ئىناق ئۆتۈڭلار .

ئائىلىنىڭ تۇرمۇشنىڭ ئۇل-ئاساسىي ئەردېمەك ،
قۇرۇش ئۈچۈن مۇستەھكەم ئاققۇزىدۇ تەردېمەك .
ئائىلە ئۈچۈن ھەتتاكى ھاياتىنىمۇ بەر دېمەك ،
بەختى ئۈچۈن بالىنىڭ ئىجىل-ئىناق ئۆتۈڭلار .

ئايال بىلەن گۈزەلدۇر تۇرمۇشتىكى ھەرقەدەم،
گاھ قەدەمدە يۈرەكنى ئازابلايدۇ دەرت-ئەلەم .
ئارمانىغا يىتىشكە ئىچەلىسە تەڭ قەسەم ،
بەختى ئۈچۈن بالىنىڭ ئىجىل-ئىناق ئۆتۈڭلار .

ئۇنتۇلدىمۇ يۈرەكنى يېرىپ بەرگەن ۋەدىلەر ،
بۇزۇلدىمۇ يارئۈچۈن چېلىپ بەرگەن پەدىلەر .
يامان بولسا ئۆزيارىڭ ياخشى يارىڭ نەدىلەر ،
بەختى ئۈچۈن بالىنىڭ ئىجىل-ئىناق ئۆتۈڭلار .

ئەمدى ئاتا سەنمۇھەم كىچىكلىكنى تاشلىغىن ،
ھاياتىڭنى قەدىرلەپ تۇرمۇشىڭنى باشلىغىن .
گەپ يېمىسە ئايالىڭ داخانلارغا ئاشلىغىن ،
بەختى ئۈچۈن بالىنىڭ ئىجىل-ئىناق ئۆتۈڭلار .

2014-يىلى 2-ئاينىڭ 16-كۈنى