ئارمان

رەيھانگۈل راشىدىن «قىرۇۋ»

ئۆتمۈشكە ئايلانغان قەلبىم تۆرىدە،
تىلەكلەر يېلىنجاپ تۇرىدۇ مەيۈس.
بىر ئۆمۈر ئارماندا قىلغان ئەقىدە،
خىيالغا ئايلانغان تولىمۇ ئەپسۇس.

قار بولۇپ ياغسكەن توساتتىن ئارمان،
ئالقىنىم ئۈستىدە ئېرىپ كەتسە گەر.
مورادىقا يەتمىگەچ يۈرەكلەر سەرسان،
خوشاللىق تاپمىدى تىلەكلەرمۇ زەر.

قالمىدى ھاياتتا ئۆمۈرنىڭ پەيزى،
چۈشلەرگە ئايلانغان خىيالارمۇ ھەم.
قالدىغۇ يۈرەكتە ھىجراننىڭ دەردى،
كۆزلەردە چاقنايدۇ ئارمانلاردا غەم.

2016.12.1