تارىم  ئوغلىمەن
مەردان ئېزىز  （تارىم ئوغلى）

‎تاپالمىدىم ئىقلىمنى كېزىپ،
‎بوۋام كەبى زاتى ئەركەكنى.
‎تىتىرەتكەن ھايات ۋاقتىدا،
‎قەھرى بىلەن زىمىن پەلەكنى.

‎ماڭا بەرگەن ئىللىق مېھرىگە،
‎ھەيران ئىدى بارچە كائىنات.
‎يەلكىسىدىن باسقان دەرت ئەلەم،
‎بولدى ماڭا سىرلىق تىلسىمات.

‎سىڭدى ماڭا بوۋامنىڭ پەيلى،
‎تىز پۈكمىدىم تۇرمۇش دەردىگە.
‎بوۋام كۆرگەن ئىسسىق-سوغۇقنى،
‎سۆزلەپ كەلدىم زىمىن ئەھلىگە.

‎بوۋام بەرگەن جاسارەت بىلەن،
‎ياشاپ كەلدىم جاپانى يېڭىپ.
‎ ئۆزۈم ئاددىي تارىم ئوغلانى،
‎ياشاپ كېتەي ئىزىڭنى بېسىپ.

‎2016-يىلى 14-نويابىر （星期一）
‎كېچە سائەت 11：27  （乌鲁木齐）