بارىمىزدۇر بالىمىز
 تۇرغۇن راخمان( كەمتەر )

تىلى   چۈچۈك   بالىلار ،  سومكا   ئاستى   دولىغا،
ئېلىش ئۈچۈن ئىلىم-پەن، ماڭدى مەكتەپ يولىغا.
قارشى ئالدى مۇئەللىم ،  پۈكۈپ مەخسەت دىلىغا،
مەيۈسلىنىپ    بالىلار  ،   كىتاب   ئالدى   قولىغا.

مېھىر بىلەن مۇئەللىم  ، چىقتى مۇنبەر قېشىغا،
ئېچىپ چىراي تەبەسسۇم، ئوزۇق سالدى دىلىغا.
قارشى   ئېلىپ   بالىلار  ،  ئالدى   قەلەم   قولىغا،
كۆڭۈل   قويۇپ   دەرسنى  ،  ئورناتتىغۇ   دىلىغا.

رازى  بولۇپ  مۇئەللىم   ،  سالدى  ئاساس  ئۇلىغا،
يېتىش  ئۈچۈن  پەللىگە  ،  نۇرلار چاچتى دىلىغا.
مەمنۇن بولۇپ ئاتىلار ، رەھمەت ئېيتتى  ئۇستازغا،
خۇرسەن بولۇپ ھەممىسى ، ماڭدى ئېلىم  يولىغا.