كىتاب كەبى ئاۋازسىز بولدۇم

يۈسۈپجان سايرامى    ( زىنھار  )

تەپەككۇر قىل ھەر چاغ پىنھان  ،
كىتىدۇ جىمجىت بىر يۇلتۇز ناگان .
خۇش بولۇپ كەتمە ئامەتلىرڭدىن ،
يېرلىپ تۈگەيدۇ جانۇ ھەم جاھان.

دىلىڭنى يىغ ، تىلىڭنى تىزگىنلە ،
ئالدىرمىغىن سۆزلەش شەرت ئەمەس.
قەلبىڭ بىلەن ھېس قىلمىساڭ بىللە ،
بۇ كېلىپ كېتىشنىڭ مەنىسى ئەمەس .

زەھرى دىدى سەبىر ئەيلىدىم ،
قەھرى قىلدى سۈكۈت ئەيلدىم.
نادان دىمەك ئۆلۈك جان دىمەك ،
ئۆلۈك بىلەن تەڭ بولماي دىدىم.

قۇيۇپ بەر ئەي ھايات ياشىۋالسۇن ،
ياۋايى ھايۋانلار ياۋايلىقىنى يوقاتمىسۇن.
پەقەت مەن تىلەيمەن تىلەكلىرىمدە ،
ئادەملەر ئادەم كەبى يۈرۋالسۇن  .

گاچا دىدىڭلار زۇۋان سۈرمۈدۈم،
قەلبمىدە سىرداشدىم تىلىم تۇتۇلغىنى راس.
بىر كىتاب كەبى ئاۋازسىز بولدۇم  ،
ئاڭلا بىر كۈنى سۆزلەيدۇ ئۇ ئۆزىگە خاس .

2016-يىل 11 -ئاينىڭ  14-كۈنى  (  كېچە  )
ئاپتۇر ئەمگىكىگە ھۆرمەت قىلىڭ