ئادەملەرگە كېرەك مۇھەببەت
تۇرغۇن راخمان (كەمتەر)

ئادىمىيلىكنى،بىلگەندە ئادەم،
قەدەملەردە بولۇر مۇھەببەت،
ئوخشىغاندا ئىچى ۋە تېشى،
گۈل سۇنىشار ئەبەدىي-ئەبەد.

خۇشپۇراقلىق گۈللەر پۇراپ بىز،
گۈلخان بولۇپ يانىمىز ئەبەد،
ۋىسال تاپسا دوستلۇق گۈلىمىز،
بەرمەسمىدۇق مېھرى-مۇھەببەت.

مېھرى ۋاپا ئەيلىگىن دوستۇم،
ئادەملەرگە كېرەك مۇھەببەت،
ئېگىلگەنگە بويۇن كىسىلمەس،
ياراشمايدۇ دوسلارغا ھەسەت.

سۈزۈك بولسۇن قەلب دۇنيارىڭ،
يىتىلدۈرۈپ ئېسىل پەزىلەت،
قىلىشمايلى كۆڭۈللەرنى غەش،
بىر-بىرىمىزگە ساقلاپ ئاداۋەت.

مېھىر-مۇھەببەت ئىنسانغا قانات،
قەدىرلىگىن گۈزەلدۇر بۇ ھايات،
سۇسلاشمىسۇن دوسلۇق رېشتىمىز،
بەك قىممەتلىك،چەكلىك بۇ ھايات.