ئاتاڭ ھايات ۋاقتىدا قىلغىن ئۇنىڭ قەدرىنى 

ئاپتورى  كىچىك  ئۆتكۈر ئۇيغۇرى 

ئاتاڭ ھايات ۋاقتىدا قىلغىن ئۇنىڭ قەدرىنى ،
بىلىپ -بىلمەي رەنجىتمىگىن دىلىنى .
ئاتاڭ تۇرسا ئالدىڭدا ،نەم قىلمىغىن يۈزىنى ،
تەڭلەتمىگىن سەن ئۇنىڭ ،ياش ئېيتىشقا قولىنى .

ئاتاڭ بولسا ناۋادا، ھەر ئىشىڭنىڭ بېشىدۇر ،
قەدەم ئالساڭ ئىشىڭغا، ئارقاڭدىكى تېرەكتۇر .
ئاتاڭ ھايات بولسائەگەر ،ئوتقا كىرسەڭ قالقاندۇر ،
ئاتاڭ ھايات ۋاقتىدا ئۆيگە كىرسەڭ باغىڭدۇر .

يازدا ئۇسساپ چاڭقىساڭ ،
يانىڭدىكى بۇلاقتۇر.
قىشتا توڭلاپ تىتىرسەڭ ،
ئالدىڭدىكى گۈلخاندۇر .

ئاتاڭ ھايات ۋاقتىدا ،بالام دەپلا جىم بولدى ،
يۇرۇت كېزىپ ھەر تەرەپ پۇت -قوللىرى يارا بولدى .
قىلاي دەپمۇ داۋانى قىلماستىنلام جىم بولدى ،
ئاتاڭ ھايات ۋاقتىدا قىلغىن ئۇنىڭ قەدرىنى .

ئاتاڭ ھايات ۋاقتىدا ،دۇشكۇللىمە سەن ئۇنى ،
دۇشكۇللەشكە ھەققىڭ يوق .
ئاتاڭنىڭ سەندىن قەرزى يوق،
قىلساڭ ئەگەر سەن ئۇنى ،قايتىپ كېلەر ئۇ بىر كۈنى .

ئاتاڭ كەتسە يانىڭدىن ،ئىزلىسەڭمۇ ھەر ياندىن ،
بارچە كۈچەپ سەن ئۇنى، چاقىرساڭمۇ ھەر جايدىىن .
ئاۋاز چىقماس ئۇ كۈنى ئاتاڭ ياتقان قەبرىدىن ،
ئاتاڭ ھايات ۋاقتىدا قىلغىن ئۇنىڭ قەدرىنى .

         (  ئاپتورى كىچىك ئۆتكۈر ئۇيغۇرى )

بارچە جاپاكەش ئاتا -ئانىلارنىڭ تەنلىرى ئامان بولسۇن
چىرايىدىن كۈلكە كەتمىسۇن .