قېرىنداش

ئ‍ۇماق

ئ‍ۇچقۇن كەلسە سەن ئ‍ۈچۈن يانىدىكەن قېرىنداش،

 داۋانلاردا سەن ئۈچۈن يانىدىكەن قېرىنداش .

 قان -قېرىنداش دىگەندە ئ‍وتلار يېنىپ قەلبىدە ،

 ھەتتا جېنى مېلىدىن تانىدىكەن قېرىنداش .

 ئاپەت كەلسە بېشىڭغا شىكەستىلەپ جېنىڭنى ،

 ئويلىماستىن ئ‍ۆزىنى يەيدۇ سىنىڭ غېمىڭنى .

 يۈرەكتىكى ئ‍وتىدا پۇشۇرۇدۇ نېنىڭنى ،

 دەريا بولسا سۈيۈڭدە ئ‍اقىدىكەن قېرىنداش.

 جۇدۇن كەلسە ئ‍ەگەردە شۈركەندۇرۈپ تېنىڭنى ،

يۈكلەر چۈشسە يەلكەڭگە ئ‍ىگىلدۈرمەس بىلىڭنى .

 جاپالاردا قالسىمۇ ئ‍اش ئ‍ىتىدۇ دېنىڭنى ،

ئ‍ەيىپلەرنى سەندىكى ياپىدىكەن قېرىنداش.

 قۇم كىرسىمۇ كۆزۈڭگە ئ‍اققۇزماسكەن يېشىڭنى ،

 غەم قايغۇلار كەلسىمۇ قاتقۇزماسكەن بېشىڭنى .

 ئ‍ادەتتىكى بولسىمۇ ئ‍الماس دەيدۇ تېشىڭنى ،

 ئ‍ەيىپلەرنى سەندىكى ياپىدىكەن قېرىنداش.

 ئ‍امەت كىلىپ سىنىڭگە شان شەرەپلەر قۇچقاندا ،

 قاناتلىنىپ نەتىجەڭ ئ‍اسمانلاردا ئ‍ۇچقاندا .

 پۈتۈن دۇنيا سەن ئ‍ۈچۈن كەڭرى قۇچاق ئ‍اچقاندا ،

 پاياندازلار سەن ئ‍ۈچۈن سالىدىكەن قېرىنداش .

كۈرەلمەستىن دۈشمەنلەر تۇپا چاچسا ئېشىغا ،

 شۇ سەۋەپتىن كۈن چۈشۈپ ئاپەت كەلسە بېشىڭغا .

 مەيلى شاھ يا گاداي بول چىڭ ئ‍ىسلار پىشىڭغا ،

ئالتۇن قۇزۇق سەن ئۈچۈن قاقىدىكەن قېرىنداش .