ئۇسۇلچى قىز 

 مۇھەممەت ئەركىن چىن يار

   دەسسەيسەن يۈرەكنىڭ ئېكىنزارىغا ،
يىلاندەك تولغىشار ئەۋرىشىم بېلىڭ .
مىڭ كۆزنى ئۆلتۈردى تىرىك دوزاقتا ،
كۈيلەرگە ئەگىشىپ ناز قىلىشلارىڭ .

قەدەملەر باشلىسا يېڭى كوچىغا ،
يامايمەن تېمىڭنى خىيالدا تۇرۇپ .
يېنىڭدا تۈنەشكە بەرمىدى ئىمكان ،
ئاھ سېنىڭ ئۇسۇلۇڭ چېدىرلار قۇرۇپ .

ئويناۋەر ئايقىڭغا مەھلىيا زېمىن ،
ئۇنتۇلسۇن دۇنيارىم بارچە ئازاپنى .
كۆڭۈلنىڭ تۈگمىسنى يەشسە ئۇسۇلۇڭ ،
ئىچۋېتەي گۈپپىدە ئاچچىق ھاياتنى .