ئىزلەيمەن ئۆزۈمدىن ئەسلىمنى پەقەت

مەمەتجان باش كارۋان

ئىزلەيمەن ئۆزۈمدىن ئەسلىمنى پەقەت،
تاپالماي يۈرىمەن يا ۋەسلىمنى پەقەت.
ئېيتقىنا دىلكىشىم ئەسلىم قايەردە سەن؟
ئىستىكىم تاپماق ئەسلى كەيپىمنى پەقەت.

ئۆتتى يانىمدىن ئەسلىمنىڭ سايەسى،
گاھىدا قىلىدۇ ماڭىلا قول ئىشارىسى.
ئەگەشكىن ماڭا يېتەرسەن مۇرادقا دەپ،
يا بىر يەتكۈزمەيدۇ ۋىسالىمغا پەقەت.

يېتەي دەيمەن غايەمدىكى مەنگە مەن،
يا يېتەلمەي ھەر كۈن ۋە تۈن پايپېتەك.
قاچان تاپارمەن ئۆزۈمدىن ئەسلىمنى،
يېتىش ئارمانىمغا تىلىكىمدۇر پەقەت.

ئۆزۈمدىن ئىزلەيمەن ئەسلىمنى پەقەت،
ياشىشىم مۇقەددەس كەتمىكىم بەرھەق.
كېتەيمەن ئەسلىمنى تاپقاندىن كېيىن،
كەتكۈدەك شۇ سىفەتنى ھازىرلاپ پەقەت.