چېغىڭدا
ئابدۇسالام ئابدۇللا بۆرتېكىن

ئۆمۈرنىڭ تولىسى قېچىپ كېتىدۇ،
يۈزۈڭگە قورۇقلار پېتىپ كېتىدۇ.
بەللىرىڭ ئىگىلىپ قېتىپ كېتىدۇ،
ياشلىقنى كېچىكىپ بىلگەن چېغىڭدا.

چاشلىرىڭدا ئەگىيدۇ قىراۋ شەپىسى،
كۈنسىرى يېقىنلار ئۆلۈم پەتىسى .
بىلمەيسەن，كېتىسەن قايسى ئەتىسى،
ئۆزۈڭنى سىزەلمەي يۈرگەن چېغىڭدا.

دۈشمەنلەر ئالدىدا ئىگىلمەس بېشىڭ،
ھەسرەت-نادامەت تۆكۈلمەس يېشىڭ.
پارلايدۇ，ئۆچمەيدۇ كۆكتە قۇياشىڭ،
بىلىمنىڭ كەينىگە كىرگەن چېغىڭدا.

سۆيگۈڭ بېغىدا گۈللەر ئېچىلماس،
مېھىرنىڭ ئۇچقۇنى قايتا چېچىلماس.
كۆزلەردىن زەرەتلىك چاقماق چېقىلماس،
ساداقەتنى كېچىكىپ بىلگەن چېغىڭدا.