(بەزى بىر) ئ‍انىلارغا
رەجەپ يۈسۈپ 

ئ‍ۇلۇغ دەيدۇ ھەركىشى، مىھرى ئىللىق ئ‍انىنى،
ئ‍انا ئۇلۇغ ۋەلىكىن، ئ‍ۇلۇغ ئەمەس ھەممىسى.
تىخى بەزى ئ‍انىلار ،ياماننىڭ ئ‍ەڭ يامىنى،
ئ‍ەنە شۇنداق ئ‍انىنى ،كەلمەس ئۇلۇغ دىگۈسى .

بالىسىغا قارىماس، كىر باسسىمۇ ئ‍ۇچىنى ،
ئ‍ائىلىگە ھەم بەرمەس مىھرىنى ۋە كۈچىنى .
بىر ئ‍ائىلە جاپادا ،تەستە ئ‍السا كۈنىنى ،
قاتار چايدىن ئ‍ايىماس،ۋاقتىنى ھەم پۇلىنى .

كىچە -كۈندۈز سىرىتتا، بوران ئ‍ۇچار ئ‍ۈيىدىن ،
مىھمانغا يوق باشقىسى ،تۇربىدىكى سۈيىدىن.
ئ‍ۈندىدارنى چوڭ بىلىپ ،بالىسىدىن ئ‍ىرىدىن،
ئ‍انىلارمۇ بار شۇنداق ،تۇتمايدىغان ئ‍ۈيىنى.

ئىشكاپلاردا رەت قىلىپ ،تىزىۋىتەر كىيىمنى،
رىستۇراندىن قالمايدۇ ،قىنىق قىلىپ گىرىمنى.
لىكىن ئ‍الماس بىر كىتاب ، ئ‍ۈگەنمەيدۇ بىلىمنى ،
چالالمايدۇ شۇڭا ئ‍ۇ ،تەربىيەنىڭ كۈيىنى.

يالغان دىمەڭ بار بىزدە ،ئ‍ەنە شۇنداق ئانىلار ،
شۇلار بولغاچ كۆپەيدى ،يامان خۇيلۇق بالىلار .
ئ‍انا دىگەن بۇ ئ‍ۇلۇغ ،تون ئ‍ىچىگە ئ‍ورىنىپ،
يۈرگەچ بەزى (ئ‍انىلار) ،شۇڭا مىللەت  زارلىنار.

ئ‍انا دىگەن ئ‍ۇلۇغ سۆز ،تەربىيەچى دىمەكتۇر ،
ئ‍انىلارنىڭ بۇرچى ھەم،مىللەت غىمى يىمەكتۇر.
ئ‍انا ئۇلۇغ ھەقىقەت ،لىكىن پەقەت (ئانىلار )،
تون ئ‍ىچىگە پۈركەنگەن ، ئ‍ۇلۇغ ئانا  ئەمەستۇر .

2016.12.2