سەن تېخى ياشقۇ (شېئىر)
مەشئەلى
ياشىغىن كۈلگىن سەن تېخى ياشقۇ.
دەۋرانلار سۈرگىن سەن تېخى ياشقۇ.
ئارمانلار تېخى ئاچمىدى چېچەك،
مەنزىلگە يەتكىن سەن تېخى ياشقۇ.
ئۈمىدسىزلەنمە داۋانلار كۆرۈپ.
ھايات يولىدا دوقاللارمۇ كۆپ.
دۇنيادا ھەركىم ئۆتمەيدۇ كۈلۈپ.
تاۋلىنىپ پىشقىن سەن تېخى ياشقۇ.
قوشكېزەك كېلەر شادلىق ۋە ماتەم.
چىداپ كېتىدۇ ھەممىگە ئادەم.
ياشىغىن ئەلگە سەن بولۇپ ھاتەم.
چۆلنى باغ ياسا سەن تېخى ياشقۇ.
ئادەمنىڭ ئۆمرى بەك قىسقا چەكلىك.
شۇڭا بىز ئۇنى دەيمىز قىممەتلىك.
ئەل كۈلسە سەندىن بولدۇڭ ھۆرمەتلىك.
ئارمانىڭمۇشۇ سەن تېخى ياشقۇ.
ئۆتتى بەزىلەر ئەلنى دەپ يىغلاپ.
لېكىن بەزىلەر نەپسىنى تىلغاپ.
ۋە لېكىن ئەجەل قويمىدى ئىلغاپ.
مېھنەت قىلىپ ياشا سەن تېخى ياشقۇ.
ھېچكىم مەڭگۈلۈك قالمىدى بۇندا.
شۇنداق ۋاپاسىز ئىكەن بۇ دۇنيا.
ياشلىقىڭ پۇرسەت شۇڭا كۆپ ئويلا.
ئارمانىڭغا يات سەن تېخى ياشقۇ.
ئاپتور غۇلجا شەھەر بايانداي بازىرىدىن.
2016-5
247 قېتىم كۆرۈلدى | maxali1 | ئەسەر يوللىغۇچى : | |
2017-3-16 16:12:14 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|