ئ‍ۇيقۇڭنى ئ‍اچ

يۇلتۇز

سەن تۇغۇلغان شۇ دەقىق ھەممە خۇشال كۈلۈشكەن ،

شۇ كۈن قەدەم ئاتاڭنىڭ بويى كۆككە يەتمىگەن .

تەييار تۇرغان ھەر ۋاقىت ئ‍اتاڭ ئ‍اينى ئ‍ۈزۈشكە ،

پەرۋانە ھەم ئ‍اناڭمۇ يېنىڭدىن ھېچ كەتمىگەن .

سىنى ئەقىل تاپسۇن دەپ سالدى ئ‍ىلىم يولىغا ،

ياقتۇرماستىن سەن ئ‍ۆزۈڭ ماڭدىڭ نادان يولىغا .

كوچىدىكى ئ‍ازغۇنلار ئ‍ازدۇردىمۇ يا سېنى ،

ئۆتتى كۈنۈڭ تەلمۈرۈپ نادانلارنىڭ قولىغا .

شۇنچە ساغلام چوڭ بولدۇڭ بولغاچ ئ‍اتاڭ ئ‍ەجىرى ،

غېمىڭ يوقتۇر جاھاندا بولغاچ ئ‍اناڭ مېھىرى .

ئ‍ەمما ئ‍ۇلار ھالسىراپ ساڭا مۇھتاج بولغاندا ،

ئ‍ەسىر قىلدى نادانلىق ۋاپاسىزلىق سېھىرى .

پۇل تېپىپلا ئ‍ۇنۇتتۇڭ ئ‍اتاڭ بىلەن ئاناڭنى،

ئ‍ىككى تەڭگە تاپقاندا كۆرەڭلىدىڭ ئ‍ۆزۈڭچە .

دۇنيا دېگەن يامانمۇ سەن ئ‍اتالدىڭ ۋاپاسىز ،

سەندە ۋاپا بىلىنمەس ئ‍ېچىپ تۇرغان كۆزۈڭچە .

پەرق ئ‍ەتمەي ياشىدىڭ ياخشى بىلەن ياماننى ،

كۆرەلمىدى جۈپ كۆزۈڭ پۇلدىن باشقا بىرىنى ،

چوڭقۇر پېتىپ ئازگالغا بەكمۇ ئ‍اشتىڭ ھەددىڭدىن ،

پايخان قىلىپ چەيلىدىڭ ئ‍اتا ئاناڭ ئ‍ەجرىنى ،

تېخى كۆزگە ئ‍ىلمىدىڭ ئ‍ىلىم پەننىڭ ئ‍ەھلىنى ،

يىغىۋالدىڭ يېنىڭغا ئ‍ۆزەڭدەكلا پەسلىنى.

شۇنداق ئ‍ابىد تىكلىدىڭ پۇل ھەممىگە قادىر دەپ ،

چۈشەنمىدىڭ قىلچىمۇ بۇ ھاياتنىڭ ئەسلىنى .

قاچانغىچە ياشايسەن ئ‍ەقلىڭنى ھىچ تاپالماي،

شۇنداق يامان ئ‍ىللەتتىن مەڭگۈ يىراق قاچالماي.

كۆپ تەربىيەلەرقىلدىغۇ يىغلاپ تۇرۇپ ئ‍اتاڭمۇ،

يەنە شۇنداق ئ‍ۆتەمسەن ئ‍ۇيقۇڭنى سەن ئ‍اچالماي.

2016-يىلى 3-ئ‍اينىڭ3-كۈنى