سەن ئۈچۈنلا شئېر يازىمەن

www.yazghuqilar.com

سەن ئۈچۈنلا يازىمەن شئېر،

 بولۇپ سېنىڭ يالغۇز شائىرىڭ.

 سەن گوياكى ئاددى ئوقۇرمەن،

چىن سۆيگۈمدىن بىخەۋەر ئىدىڭ. 

 سۆيگۈم سىڭىپ ھەرپ قوينىغا،

 ئۈزۈپ يۈرەر مىسرالىرىمدا.

 تىنىقلىرىم تۇنجۇقۇپ گويا،

 جان تالىشار ھىجرانلىرىمدا.

سەن بىر ھەرە،شئېرىم گۈل چېڭى،

 لەۋ تەككۈزۈپ غايىپ بولىسەن.

 يىغىۋىلىپ سۆيگۈ ھەسىلىنى،

تاشلاپ مېنى كىمگە سۇنىسەن. 

 سەن ئۈچۈنلا يازىمەن شئېر،

پاك قەلبىمنى چۈشەنگەن قەدەر.

سۆيۈپ ئۆتسە سۆيگۈم شامىلى،

 ئۇيغىنارسەن بولغاندا سەھەر.

گۈلئاي يازمىسى