ئ‍اتا-ئ‍انامغا بېغىشلاپ 

 مەدىنە

   ئ‍اپامنى ھەممىدىن چىرايلىق دېمەيمەن ، چۈنكى ئ‍اپامنى پەرىشتە دەپ بىلىمەن · پەرىشتىنى چىرايلىق دەپ ماختاش بىھاجەت !  ئ‍ۇنى پەقەت پەرىشتەملا دېگۈم كېلىدۇ ، چۈنكى ئ‍اللاھنىڭ ئ‍ەلچىسى بولغان پەرىشتىدىن بۆلەك زات ئ‍ۇنىڭ ماڭا ئ‍اتا قىلغان مۇھەببىتىنى چىنلىق بىلەن مۇكەممەللىككە باشلىيالمايدۇ !
ئ‍اتامنى ھەممىدىن كېلىشكەن نەۋقىران دېمەيمەن ، چۈنكى ئ‍اتامنى تاغ دەپ بىلىمەن . ئ‍ۇنىڭ بەستىنى تاغ مېھرىنى ئ‍وت قىلىپ مىنى قوغدىشىدىن ، مېنى ياتنىڭ يامان كۆزىدىن ساقلىشىدىن ئ‍ەشۇ مېھرىبانىمنى تىل بىلەن تەرىپلەشكە مەڭگۈ ئ‍اجىزلىق قىلىمەن !  
ئ‍اتام ئ‍اپامنى ھېچكىمگە تەڭ قىلمايمەن ،چۈنكى ئ‍ۇلارنى خىزىر دەپ بىلىمەن ، ئ‍اللاھنىڭ رەھمەتلىرى بىلەن بىر جۈپ قەدىردانلىرىمنىڭ مىنى ۋە ئ‍ەشۇ بىردىنبىر قېرىندىشىم  تومۇردىشىمنى دۇنياغا كۆز ئ‍اچتۇرغىنىغا مىڭلارچە شۈكرىلەر بولسۇن!
 بىزلەرنى بالام باغرىم  دەپ ئ‍ۆمرىنىڭ تەڭدىن تولىسىنى سەرىپ قىلىپ ، ۋاقتسىز يوقاتقان ياشلىقىغا ، رەھىمسىز يىللارنىڭ چىرايىدا قالدۇرغان تال تال قورۇقلىرىغا پەرۋا قىلماستىن ، جاپا مۇشەققەتتە بىرگە بولۇپ يوقۇمنى تەل  قىلىش ئ‍ۈچۈن تارتقان جاپالىرىغا قاقشاش ۋە تاپا - تەنە ئ‍ارلاشتۇرماي مۇھەببەتلىك بىقىشىشلىرىغا  چەكسىز سۆيۈنچۈم بار !  
سىلەر مېنىڭ پەخرىم ، سىلەر مېنىڭ روھىي ئوزۇقۇم ، سىلەر مېنى ئ‍اللاھنىڭ ھوزۇرىغا باشلىيالايدىغان قىبلىگاھىم ! جۈپ قەدىردانلىرىم ئ‍امان بولۇڭلار !  ئ‍ۇلۇغ ئاللادىن تىلەيدىغىنىم شۇ بولسۇنكى دۆلىتىم ئ‍اتام جەننىتىم ئ‍اپام ئ‍امان بولسۇن ، ماڭا ئ‍ۇلار بىلەن تەڭ قېرىشنى ئ‍ۇلاشتۇرسۇن ، كەلگۈسىدە پەرزەنتلىرىم  بولغىنىدا ، ئ‍ۇلار ماڭا ئ‍ەركىلىگىنىدە مىنىمۇ ئ‍ەركىلىتىدىغان كىشىلىرىمنىڭ يېنىمدا تۇرۇپ بېشىمنى سىيلىشىنى نېسىپ قىلسۇن !   قېرىندىشىممۇ ھەم شۇلارغا ئ‍وخشاش بولسۇنكى ھېچبىر كىشى كۆڭلۈمگە تەسەللىي بولالمىغىنىدا  مېنى باغرىغا بېسىپ تۇرۇپ  "  بىشىڭنى تىك تۇت قېرىندىشىم ، مانا مەن بار ! قەددىڭنى رۇسلا !" دېيەلەيدىغان بولسۇن ! ئ‍ۇلۇغ ئ‍اللاھ قەدىردانلىرىمنىڭ مېھرى مۇھەببىتى داۋاملىق يالقۇنجاپ تۇرىشىنى، تېنىنىڭ سالامەت ، ئ‍ۆمرىنىڭ ئ‍ۇزۇن بولىشىنى ، بەختى دۆلىتىنى زىيادە بولىشىنى نېسىپ قىلسۇن !  
ئ‍ۇلۇغ رەببىمگە چەكسىز شۈكۈرلەر بولسۇن !